«Бозор, пул ва кредит» ҳар чорак чиқадиган илмий-амалий, молия-иқтисод ва банк соҳаси журнали. 1996 йилдан бери нашр этиб келинмоқда. Ҳар чорак 112 саҳифада чоп этилади.

Журналда таҳлилий маълумотлар тақдим этилади, банк секторидаги тенденцияларга шарҳлар ҳамда долзарб мавзуларда илмий-амалий мақолалар чоп этади. Банкларнинг энг яхши мутахассислари, давлат тузилмалари, турли тадқиқот марказлари раҳбарлари, тадбиркорлар мақола ва мулоҳазалар билан чиқишади. Журнал саҳифаларида Ўзбекистоннинг ҳақиқий бизнес амалиёти акс эттирилади.

«Бозор, пул ва кредит» журнали банкларнинг юқори ва ўрта бўғин ходимлари, молия компаниялари, IТ-корпорациялар, таҳлилий ва консалтинг компаниялари, университет профессор-ўқитувчилари, олимлар, давлат органлари, йирик ва кичик бизнес вакиллари учун мўлжалланган.

«Бозор, пул ва кредит» журналининг аудиторияси: мулкдорлар, тадбиркорлар, банк раҳбарлари ва мутахассислари; давлат органлари, жамоат бирлашмалари раҳбарлари ва ходимлари; банк хизматларини етказиб берувчилар; банк хизматлари истеъмолчилари.